KabarJawa.com – Dalam tradisi masyarakat Jawa, acara pelepasan jenazah tergolong sebagai momen yang krusial. Pihak keluargabiasanya akan memberikan sambutan singkat untuk menyerahkan jenazah untuk kemudian dikebumikan.
Dan bagi Anda yang kebetulan bertugas untuk menyampaikannya, berikut KabarJawa.com sajikan beberapa opsi teks pidato yang bisa dipilih sesuai kebutuhan.
Contoh Sambutan Pelepasan Jenazah dalam Bahasa Jawa
Contoh 1
“Assalamu’alaikum Warahmatullahi Wabarakatuh.
Innalillahi wa inna ilaihi raji’un. Dhumateng para sesepuh, para takziyin, lan Bapak Kaum/Rois ingkang kinurmatan.
Langkung rumiyin, sumangga kita ngaturaken puji syukur dhumateng Allah SWT, bilih ing wekdal punika kita saged makempal kangge ngurmat dhumateng jenazah Bapak/Ibu/Sedherek (Sebutkan nama almarhum).
Kula minangka wakil saking kulawarga ageng, ngaturaken agunging panuwun dhumateng panjenengan sedaya ingkang sampun kersa rawuh lan paring pambiyantu.
Ing wekdal punika, kula masrahaken layonipun (Nama almarhum) dhumateng Bapak Kaum/Rois lan warga masyarakat, supados saged dipun upacaraaken lan dipun sarekaken (dimakamkan) kanthi tata cara Islam ingkang leres.
Mugi-mugi amal saenipun Almarhum/Almarhumah katampi, lan sedaya kalepatanipun dipun apunten dening Allah SWT. Cekap semanten atur kula.
Wassalamu’alaikum Warahmatullahi Wabarakatuh.”
Contoh 2
“Assalamu’alaikum Warahmatullahi Wabarakatuh.
Alhamdulillahirobbil ‘alamin. Asyhadu an laa ilaaha illallah, wa asyhadu anna Muhammadan rasulullah.
Dhumateng para alim ulama, para sesepuh, lan pinisepuh ingkang dahat kinurmatan. Dhumateng para takziyin lan takziyat ingkang dipun mulyaaken Allah.
Kula minangka talanging atur saking kulawarga musibah, ingkang sepisan ngaturaken puji syukur dhumateng Allah SWT. Kaping kalihipun, sholawat lan salam mugi katur dhumateng Nabi Muhammad SAW.
Bapak-Ibu ingkang minulya, Kula ngaturaken agunging panuwun ingkang tanpa upami, awit saking rawuh panjenengan sedaya, saha pambiyantu arupi moril menapa materiil kagem ngrukti jenazah Bapak/Ibu (Nama almarhum). Mugi-mugi dados amal sholeh panjenengan.
Ing kalodhangan menika, kula masrahaken jenazah (Nama almarhum) dhumateng Bapak Rois/Kaum saha warga masyarakat, supados enggal dipun berangkataken wonten ing pasarean (makam).
Saderengipun dipun berangkataken, kula nyuwunaken agunging samudra pangaksami kagem Almarhum/Almarhumah. Mbok bilih rikala sugengipun, panjenenganipun gadhah kalepatan dhumateng panjenengan sedaya, mugi kersa paring pangapunten.
Saha mbok bilih Almarhum/Almarhumah taksih gadhah tanggungan utang-piutang ingkang dereng rampung, kasuwun dhumateng ingkang gadhah hak, supados menghubungi ahli waris utawi kulawarga saksampunipun upacara pemakaman.
Mugi-mugi Almarhum/Almarhumah pinaringan papan ingkang mulya, jembar kuburipun, lan husnul khotimah. Aamiin.
Cekap semanten atur pasrah saking kulawarga. Wassalamu’alaikum Warahmatullahi Wabarakatuh.”
Contoh 3
“Assalamu’alaikum Warahmatullahi Wabarakatuh.
Innalillahi wa inna ilaihi raji’un. Alhamdulillahirobbil ‘alamin, la haula wala quwwata illa billahil aliyil adzim.
Dhumateng para sesepuh, para kiai, saha para takziyin ingkang dipun mulyaaken Allah.
Langkung rumiyin, sumangga kita tansah ngaturaken syukur dhumateng Allah SWT. Awit saking rahmatipun, kita taksih pinaringan iman lan Islam, sahingga saged ngrawuhi upacara pemakaman punika.
Bapak-Ibu ingkang kinurmatan, Kula minangka wakil saking kulawarga, ngaturaken agunging panuwun awit rawuh panjenengan sedaya. Rawuh panjenengan saestu dados panglipur kagem kulawarga ingkang saweg nandang duhkita.
Wonten ing kalodhangan menika, kula nyuwun seksinipun panjenengan sedaya. Bilih sanadyan perpisahan menika awrat sanget kagem kita, nanging kulawarga sampun ikhlas, sampun lila legawa nampi pandum saking Allah SWT.
Kita pitados bilih Bapak/Ibu/Sedherek (Nam almarhum) punika kagunganipun Allah, lan dhumateng Allah ugi wangsulipun.
Pramila, kula nyuwun donga saking panjenengan sedaya, mugi-mugi keikhlasan kulawarga menika saged dados margi padhang kagem almarhum sowan wonten ngarsanipun Pangeran.
Kula pasrahaken jenazah punika dhumateng warga masyarakat supados enggal dipun sarekaken. Mugi-mugi Allah paring ganjaran swarga dhumateng Almarhum. Aamiin Yaa Rabbal ‘Alamin.
Mekaten atur kula. Wassalamu’alaikum Warahmatullahi Wabarakatuh.”
Demikian tadi beberapa contoh pidato pelepasan jenazah keluarga yang telah meninggal. Silahkan, pilih salah satu yang paling sesuai dengan situasi dan kemampuan Anda menghafal.***
